有幾多人有追哩本港漫?
一開始我其實覺得佢畫得唔錯，內容亦都好正
中間有D搞笑位都搞得幾應棍，但係打到而家一百八十幾期
我會覺得點解殺道會班人，真係殺極都殺唔死咁…
都唔止殺道會，根本連黑日果邊D人都係，總之就係一開始出現果班人都係殺極都殺唔死
但係我估佢應該仲有三四十期點都完喇掛，同凱撒都打到哩個地步，騎士、青龍同阿信哩3個都去到宇宙能量級數O既人都係晒度
全世界4個最強異能者係晒度，3個打你1個凱撒，咁都唔嬴?
同埋點解打到而家個作者好似忘記左阿信一開始個異能咁，搞到好似得返黃金引擎量子世界
今次仲要係連點解會抽筋都諗唔明
總之個過程就係，今朝係車上面聽完歌，熄左
一直到返屋企先再開返，聽歌
中間成日都無開過部機，但係個PLAY LIST就係無左IMPACT EXCITER全部歌…
完全諗都諗唔明，你話揀錯PLAY LIST?又無理由
因為除左歌之後我仲有放M之世界同SMILE GANG，全部都係分開PLAY LIST
如果我係無加到IMPACT EXCITER入歌果個PLAY LIST，我之前要聽就只可以揀全部歌一齊播
咁肯定會播到電台果D野
但係無，咁肯定唔係錯PLAY LIST問題
我到而家都諗唔明，成日都無開過，但就係無左哩隻碟O既歌…
好煩呀 
琴日換左部爛電話，今次都可以算係我最快換電話O既一次
以前一部起碼都用返年幾兩年先會諗換，點解我要換走部爛鬼LG
一部電話，你打緊電話時HANG機，算有個原因
你打緊SMS會HANG機，都叫係一個原因
你甚至用佢上網會HANG機，根本係一個原因
咁請問，一部電話叉電會HANG機，又係乜野原因…我真係接受唔到，點解會叉電叉到HANG機
要熄左機先可以叉到電，如果唔係就HANG左係度連電都叉唔到…
咁就走左去TRADE-IN部舊野，換左部三叔S8500，我感覺我好似離唔開三叔咁
第一部買O既電話係三叔，之後果部又係三叔，第三部又係三叔…
三叔電話真係好三叔
去WILSON度TRADE，我唔知係佢地公司做野係咁定係點，係門口度問完部機TRADE幾錢同想TRADE咩機之後
門口個哥哥仔好大聲咁話「哩位先生要一部WAVE!」
入到去COUNTER就即刻歡迎光臨衛訊
唔知點解我諗起如龍2入面做HOST果時如果個客買30萬果支酒果個動畫 
而且佢唔係話買貴機先會咁，我見到有D父母買D平價三四百蚊果D機都係好大聲咁講個型號
我覺得哩野真係好正 
部WAVE用左一日暫時覺得都幾好，唔似之前果部咁豬油
但係用唔慣TOUCH，我已經打錯左3次視像電話
佢果種TOUCH感度同IPOD TOUCH好唔同，好難講邊隻好邊隻唔好
IPOD TOUCH果個蘋果皮其實我覺得幾有興趣，不過驚爆炸
本身諗住今日去，因為就極都就唔岩時間，唯有係星期日哩個人人都得閒O既日子先去
都預左係會多人，但估唔到會多到咁
行到去酒店果邊已經有個牌寫住要等120分鐘先入到場，往年排隊都係下面停車場出少少果度開始排，今年我都唔知到底佢地排到去邊
上年我就夜晚先去根本就唔洗排隊，買飛都唔洗排隊…
見到排到咁，大家都有個共識
就係唔去，反正入面無野好睇，亦都無乜野係得入面先有得買
係入面先有得買O既野完全無興趣
點解動漫節會咁多人?我分析下覺得有以下原因
1,多左班炒家，入去乜都買乜都炒一餐，佢地本身唔係為炒野根本唔會入場
2,多左班咸濕佬去影COSPLAY同埋果D O靚模
3,多左COSPLAYER去
我覺得3係可以接受，但係每年佢地搞都總係唔肯改善一下情況
一早都話你不如，COSPLAYER唔可以入場，要玩COSPLAY，班咸濕佬要影相
落去下面金紫荊果度搞，你劃個區俾佢地係入面度COS，完全可以分流到我估計係20~30%人流
你話晒，可以起個頂俾佢地，我估唔洗得幾多錢，你甚至可以賣張COSPLAY AREA入場飛，再貴班咸濕佬都會買
至於果班炒家，哩個真係無解
我都唔明入面D野有乜好炒，除左係大牌果D地方係賣真野，10檔有10檔都係賣緊老翻假野
但佢地又唔係O向個乜ZONE果度賣同人或者自創野
入面D膠亦唔見得特別平，拎都辛苦
真係今日見到咁多人，完全唔洗諗，唔去就係咁簡單
之後走左去唱K，照舊係無DECADE首歌
但係竟然有平野綾，得一首SUPER DRIVER
而且佢真係用返SUPER DRIVER個MV，而唔係拍埋D膠片做MV…
佢把刀一定唔會插落我度
佢一定避得開我哩一刀
結果劈死左，到底邊個錯?
前日去拎左聖王VIVIO返屋企，比想像中巨大，但手上面粒珠點解由淺白藍色底色變左做金色
睇返原版TV佢應該係七彩色，而且唔會係金色底
哩度係一個失敗
然後TONY版初音，點解唔係SHIMA而係純白
無天理
白騎士個AI，係可以去到令我玩到唔想玩落去，係熄機O既地步
你到底想點，行行下好地地，前面兩條龍諗住清左D兵仔先，打打下發覺點解D LOG度有個NPC會係咁俾隻怪打
又LOCK唔到果隻怪，LOCK住一隻怪個視角又唔可以轉到睇佢唔到O既地方
退下退下，睇地圖圓點知佢係後面，睇多兩睇，原來佢俾隻怪推左落山崖…
落左去唔緊要，點解要企係度俾人打…係咁俾人打係咁用魔法回血，又再係咁俾人打
跳落去救佢，又要行過好遠路，唔落去救佢，佢真係可以永遠都卡住係個山崖下面，唔識得瞬移返上去
結果就係咁，成隊人，死剩我一個，我仲要係行到鬼死咁遠想去拉返佢地上來，拉到兩條龍都望住我係咁打
去到哩一刻，我真係忍唔到，玩PS3咁耐，就算係SO4，FF13最後計時果隻BOSS，我都未試過打到熄機唔玩…
隻白騎士真係呢…
唔識講，ONLINE已經悶，升一個GR要打幾百場，人人係度不停打同一個任務衝到GR30，我算你到GR30你又有乜野好玩…
想打下D普通任務玩下都搵唔到人，打極都係同朋友打就有，同街客打係得果兩三個任務會見到人
真係難為LEVEL5咁都夠膽拎出去賣
單機同ONLINE都搞到無乜興趣，早知買TOTORI好過
水樹奈々ブログ
 
|
Total :5119 Today :4 Since 2009/05/19 |
